Ansoo Dil Ki Kokh Main Palti Mohabbat

Sneak

"یہ لڑکی پاک بی بی بنے گی، اس کی عمر کے مطابق کوئی لڑکا نہیں مل رہا خاندان میں۔" سعیدہ اماں نے اعلانیہ کہا۔ مہرماہ پتھرا چکی تھی، یعنی اس کی زندگی اب سفید چادر میں ان چار دیواری میں گزرنے والی تھی۔
"میں کروں گا مہرماہ سے شادی!" اس سے پانچ سال چھوٹا برہان کھڑے ہوتے ہوئے بولا۔
آج سے چند سال پہلے وہ اس کے اظہارِ محبت کرنے پر اسے تھپڑ مار چکی تھی، جس کی وجہ سے وہ بیرونِ ملک چلا گیا تھا اور جب وہ واپس آیا تو اس کی مدد کرنے کو تیار تھا۔
مہرماہ کو پاک بی بی بننا منظور تھا مگر اس سے شادی کرنا نہیں۔ وہ شرم سے مر جاتی، لیکن برہان بھی اپنی ضد کا پکا تھا۔ اس نے مہرماہ کو اگلے دن اکیلے میں۔۔۔
رات کے بارہ بج چکے تھے۔ ایسے میں دروازے پر بجنے والی دستک پر مہرماہ نے اپنا دوپٹہ شانوں پر درست کرتے ہوئے دروازہ آدھا کھولا۔ وہ دستک کی مخصوص آواز سے پہچان چکی تھی کہ کون ہے۔ اس نے پورا دروازہ نہیں کھولا۔ سامنے برہان ہاتھ میں کتاب لیے کھڑا تھا۔
"برہان تمہیں میرے کمرے میں اس وقت نہیں آنا چاہیے۔" وہ سنجیدگی سے بولی۔ وہ برہان کے بدلتے رویے کو اب بھانپ رہی تھی۔ اس لڑائی کے بعد سے وہ برہان کو نوٹ کر رہی تھی۔ وہ اسے اب الگ نگاہوں سے دیکھتا تھا۔ وہ اس بات پر یقین نہیں کرنا چاہتی تھی مگر وہ اپنی طرف سے ہر طرح کی احتیاط کرنے کی کوشش کر رہی تھی۔
"آپ اس طرح مجھے باہر روک کر پوچھ رہی ہیں، میں کوئی چور تو نہیں ہوں اور یہ پہلی بار تو نہیں ہے جو میں آپ کے کمرے میں آیا ہوں۔" وہ ہلکے پھلکے انداز میں کہتے ہوئے دروازہ کھول کر اندر آ چکا تھا۔
مہرماہ نے دروازہ کھلا چھوڑ دیا۔ وہ تیز آواز میں بول کر کسی کو جگانا نہیں چاہتی تھی۔
"پہلے کی بات اور تھی۔"
"اب بھی بات وہی ہے۔ میں تو آپ سے مل کا ٹیسٹ سمجھنے آیا تھا۔"
"لیکن یہ میں نے تمہیں پڑھاتے ہوئے سمجھا دیا تھا۔" وہ جانتی تھی برہان پڑھائی میں تیز ہے۔ یہ صرف اس کا بہانہ تھا، وہ سمجھ چکی تھی۔
"ہاں، پر مجھے دوبارہ پڑھنے پر سمجھ نہیں آیا۔ آپ تو کہتی ہیں سمجھ کر پڑھنا چاہیے۔" وہ صرف اس کتاب کو بہانہ بنا کر یہاں آیا تھا۔ وہ چاہتا تھا ہر پل مہرماہ اس کے سامنے رہے۔
"بالکل، مگر میں تمہیں صبح ناشتے پر سمجھا دوں گی۔ رات ہو چکی ہے اور آئندہ اس طرح اب میرے کمرے میں نہیں آنا۔"
"کیوں، میں نے کوئی غلطی کر دی کیا؟" وہ پریشانی سے بولا۔
"نہیں، مگر اب تم بڑے ہو چکے ہو۔ اس طرح میرے کمرے میں آنا تمہیں زیب نہیں دیتا۔ میں نہیں چاہتی ملازم یا کوئی اور دیکھے تو باتیں بنائے۔"
"سب کو پتا ہے آپ کا کمرہ میرا دوسرا گھر ہے۔ آپ کو مجھ میں کوئی برائی نظر آ رہی ہے کیا؟ یا آپ مجھ سے ناراض ہیں؟" وہ مہرماہ کے پاس اس کے قدموں میں بیٹھ چکا تھا۔ مہرماہ کو انہونی کا خدشہ ہو رہا تھا۔ وہ برہان کی وجہ سے اپنی عزت، اپنا وقار کھونا نہیں چاہتی تھی۔ ویسے ہی برہان کی ماں فرزانہ بیگم اسے پسند نہیں کرتی تھیں۔
"تم نے کچھ نہیں کیا۔ میں تمہیں بس سمجھا رہی ہوں، ابھی تم جاؤ یہاں سے پلیز۔ بات کو سمجھنے کی کوشش کرو، میرے لیے مشکلات پیدا نہیں کرو۔" وہ التجائیہ انداز میں بولی۔
"اچھا، آپ پریشان نہ ہوں پلیز۔ مجھے اچھا نہیں لگ رہا۔ آپ جیسا کہیں گی میں ایسا کروں گا، اوکے۔ بس آپ مجھ سے اس طرح بات مت کیجیے گا جیسے میں کوئی غیر ہوں۔" برہان اس کے لہجے پر شکوہ کناں ہوا۔
مہرماہ کی نظریں باہر دروازے پر ہی جمی ہوئی تھیں۔
"کسی نے آپ سے کچھ کہا؟ آپ بتائیں، میں دیکھ لوں گا اسے۔" اب کی بار وہ غصے سے بولا۔ وہ ہرگز کسی کو بھی اپنے اور مہرماہ کے درمیان آنے نہیں دینا چاہتا تھا۔
"نہیں، کسی نے کچھ نہیں کہا۔" اب کی بار مہرماہ کا لہجہ نارمل ہوا۔ وہ جانتی تھی جب تک وہ نارمل نہیں ہوگی، وہ ضد پر اڑا رہے گا۔
برہان کے کندھے ڈھیلے پڑے۔ وہ اپنی جگہ سے اٹھا اور اسے شب بخیر کہتے ہوئے جا چکا تھا۔ آج اس کی نظروں میں جو مہرماہ نے دیکھا تھا، وہ سچ میں اسے خوفزدہ کر چکا تھا۔
"تم یہاں انتظار کر رہے ہو؟ مہرماہ تو کب کی ملازمہ کو کسی کو ڈسٹرب نہ کرنے کا کہہ کر سو چکی ہے۔" فرزانہ بیگم نے اسے ڈرائنگ روم میں بیگ لے کر بیٹھے دیکھا تو تاسف سے بولیں۔
"انہوں نے مجھے تو نہیں بتایا۔ ان کی طبیعت تو ٹھیک ہے؟ ورنہ وہ ایسا نہیں کرتیں۔"
"ہنہ! بہانے ہیں یہ سب تو اس لڑکی کے۔ میں تو تمہیں پہلے بولتی ہوں، اس سے پڑھنے سے اچھا ہے کوئی استاد لگا لو، اس طرح بہانے تو نہیں کرے گا۔" وہ منہ بنا کر بولیں۔
انہیں مہرماہ پسند نہیں تھی۔ اس کی بھی وجہ تھی۔ مہرماہ کا رشتہ ان کے بھائی کے لیے مانگا گیا تھا، مگر ان کے بھائی نے کسی اور کو پسند کرنے کی وجہ سے منع کر دیا تھا۔ ایسے میں سعیدہ اماں انہیں بات بات پر اسی چیز کا طعنہ دیتی تھیں۔
"ایسا کچھ نہیں ہے، وہ بہت اچھی ہیں۔ میں جا کر دیکھتا ہوں انہیں۔" وہ اپنی چپل پہن کر اٹھا۔
"سب کو ہی اچھی لگتی ہے وہ مگر یہ سب صرف دکھاوا ہے۔" وہ جلے کٹے انداز میں بولیں۔ وہ دل میں مہرماہ سے خار بھی کھاتی تھیں۔ یہاں سب مہرماہ کی بات کو عزت بھی دیتے تھے کیونکہ وہ بہت عقل مند تھی۔ زمینوں کے معاملات پر بھی اس سے رائے لی جاتی تھی۔ وہ ایک اچھی یونیورسٹی سے ایم بی اے کر رہی تھی۔
برہان اس کے دروازے کے باہر کھڑا دروازہ پیٹ رہا تھا۔
"برہان چلے جاؤ، میں کل تم سے بات کروں گی۔" مہرماہ دروازہ کھولے بغیر بولی۔ وہ جانتی تھی برہان بے چین ہو چکا ہے۔
"میں کہیں نہیں جا رہا جب تک آپ دروازہ نہیں کھول رہیں۔ پوری رات یہیں بیٹھا رہوں گا۔"
مہرماہ نے گہری سانس لی اور دروازہ کھولا۔ وہ جانتی تھی کہ برہان اپنی بات کا پکا ہے۔
"کہو، کیا کہنا ہے؟" وہ ہاتھ پر ہاتھ باندھے بولی۔ برہان اندر آ چکا تھا۔
"آپ آج پڑھانے نہیں آئیں؟ آپ کا رویہ الگ ہو رہا ہے۔ میں نے پہلے بھی آپ سے پوچھا تھا مگر آپ نے ٹال دیا۔"
"میں تمہیں اب نہیں پڑھا سکتی، مجھے اور بھی کام ہوتے ہیں۔" وہ نظریں چراتے اپنی پھیلی ہوئی کتابیں سمیٹنے لگی۔
"کام تو پہلے بھی ہوتے تھے، اب کیا بات ہو گئی ہے؟" اس نے کتابیں مہرماہ سے لے کر ٹیبل پر رکھیں اور اسے اپنی جانب متوجہ کیا۔
"بس میں تمہیں پڑھانا ہی نہیں چاہتی، سمجھ گئے تم؟ اب جاؤ یہاں سے۔" وہ کچھ سختی سے بولی۔
"آپ کو کیا ہو گیا ہے؟ کچھ مجھ سے ہوا ہے تو بتائیں۔ آپ جان بوجھ کر ایسا کر رہی ہیں۔"
"ہاں کر رہی ہوں، کیونکہ تم اب پہلے والے برہان نہیں رہے۔ تم بدل رہے ہو۔"
"آپ ٹھیک پہچانیں، میں بدل رہا ہوں۔ میں اپنے جذبات پہلے سمجھ نہیں پا رہا تھا، اب سمجھ آنے لگا ہے۔ آپ جب سامنے نہیں ہوتیں تو میرا دل بے چین ہوتا ہے، میں پاگل سا ہونے لگتا ہوں۔ آپ سامنے ہوتی ہیں تو دل کرتا ہے آپ کو دیکھتا رہوں۔ مجھے آپ سے محبت ہو گئی ہے۔" وہ مہرماہ کی آنکھوں میں جھانکتے ہوئے بولا۔
مہرماہ کو جس کا ڈر تھا وہی ہوا۔ مہرماہ کا ہاتھ اٹھا اور اس کے گال پر نشان چھوڑتا ہوا چلا گیا۔
"شرم آنی چاہیے تمہیں ایسی باتیں کرتے ہوئے۔ میں تم سے پانچ سال بڑی ہوں۔" اس کا ہاتھ سرخ ہو چکا تھا مگر برہان ہنوز یونہی کھڑا رہا۔ اس نے اپنا گال سہلایا اور مسکرایا۔
"تو کیا ہوا؟ کچھ سال بعد میں آپ سے بڑا لگنے لگوں گا۔ یہ میرے لیے دل لگی نہیں، محبت ہے جو مجھے آپ سے ہے۔ میں آپ کے لیے کسی سے بھی لڑنے کو تیار ہوں۔" وہ ڈھٹائی سے بولا۔
مہرماہ کا دوبارہ ہاتھ اٹھا مگر برہان نے پہلے ہی اس کا ہاتھ پکڑ لیا۔
"آپ کہتی ہیں آپ بڑی ہیں مگر دیکھیں۔" اس کا اشارہ مہرماہ کے ہاتھ کی طرف تھا۔ مہرماہ نے اپنا ہاتھ واپس کھینچا۔
"تمہیں اندازہ بھی ہے تمہاری ان باتوں سے میری زندگی پر کیا اثر ہوگا؟ میں نے تو کبھی تمہیں اس نظر سے نہیں دیکھا۔ تمہیں یہ سب کرنا تھا تو باہر منہ مارتے، اپنے گھر کی عورتوں پر بری نظر۔۔۔"
"بس! بہت سن لیا میں نے۔ کب بری نظر رکھی میں نے آپ پر؟ کب آپ کو ان کمفرٹیبل کیا؟ بچپن سے میں آپ کے ساتھ رہا ہوں اور آپ اس طرح کہہ رہی ہیں۔ میں آپ کو راضی کرنے کے بعد سعیدہ اماں سے بھی بات کرنے والا تھا۔" وہ دبا دبا چلایا۔ اس کے ماتھے پر موجود بلوں میں اضافہ ہوا۔
"تمہارا یہ محبت کا بھوت چند دنوں میں ختم ہو جائے گا، مگر کسی کو پتا چلا تو زندگی بھر کا داغ بن جائے گا میرے لیے۔ ابھی تم صرف اٹھارہ سال کے ہو، تمہارے لیے آگے زندگی پڑی ہے۔ میری شادی تم سے نہیں ہو سکتی، میں کبھی تم سے شادی نہیں کروں گی۔" وہ نفرت سے بولی۔
اس کے لہجے میں پہلی بار اپنے لیے نفرت دیکھ کر برہان کا دل کرچی کرچی ہو چکا تھا۔
"آپ کو شاید محبت ہو جائے۔ آپ اس طرح میرا دل نہیں توڑ سکتیں۔ آپ کو کسی سے تو شادی کرنی ہے تو وہ میں کیوں نہیں ہو سکتا؟ ہمارا خاندان بھی ایک ہی ہے۔"
"میں تم سے مر کر بھی شادی نہیں کروں گی۔ نکل جاؤ ابھی کے ابھی میرے کمرے سے!"

Download Novel PDF

Read Novel Online

Description — Urdu

Summary — Urdu

Related Keywords